Sağlamlıq, əməyin təhlükəsizliyi və ətraf mühitin mühafizəsi (SƏTƏM) fəaliyyətimizin ayrılmaz və prioritet istiqamətlərindən biridir. Şirkətimizin davamlı inkişafının və uğurunun əsasını SƏTƏM sahəsində kollektiv məsuliyyətin dərk olunması, bu öhdəliyin bütün fəaliyyət istiqamətlərinə və idarəetmə səviyyələrinə inteqrasiya olunaraq tətbiq edilməsi təşkil edir.
Şirkətimiz öz fəaliyyətini qüvvədə olan qanunvericiliyin tələblərinə, həmçinin beynəlxalq və yerli standartlara uyğun şəkildə, müasir texnologiyalardan istifadə etməklə həyata keçirir. Layihələrin icrası zamanı müasir norma və tələblərə tam uyğunluq təmin olunur, ətraf mühitə təsirlərin minimuma endirilməsi isə qabaqcıl və innovativ təcrübələrin tətbiqi ilə reallaşdırılır.
Bütün təşkilati və texniki tədbirlər əvvəlcədən planlaşdırılır, sistemli şəkildə icra olunur və davamlı olaraq təkmilləşdirilir. İşçi heyətinin motivasiyasının artırılması, SƏTƏM sahəsində bilik və bacarıqlarının inkişaf etdirilməsi məqsədilə müntəzəm təlimlər keçirilir, keyfiyyətin təmin olunması və nəzarət mexanizmlərinə xüsusi önəm verilir.
SƏTƏM üzrə qəbul edilən qərarlar barədə əməkdaşlar, tərəfdaşlar və digər maraqlı tərəflər operativ qaydada məlumatlandırılır. Təhlükəsiz və sağlam iş mühitinin formalaşdırılması yalnız texniki tədbirlərlə məhdudlaşmır, eyni zamanda SƏTƏM mədəniyyətinin gündəlik davranış normasına çevrilməsi əsas prioritet kimi müəyyən edilir.
Əsas məqsədimiz bütün maraqlı tərəflərlə əməkdaşlıq çərçivəsində sağlamlığın qorunmasına, əməyin təhlükəsizliyinin təmin edilməsinə və ətraf mühitin mühafizəsinə xidmət edən təhlükəsiz və dayanıqlı iş mühitinin yaradılmasıdır.
Ensol MMC keyfiyyətin idarə olunması, əməyin təhlükəsizliyi və ətraf mühitin mühafizəsi sahəsində beynəlxalq standartlara tam uyğun fəaliyyət göstərir.
Şirkət aşağıdakı beynəlxalq sertifikatlara malikdir:

 ISO 9001:2015 (Keyfiyyət İdarəetmə Sistemi),

 ISO 14001:2015 (Ətraf Mühitin İdarəedilməsi Sistemi)

 ISO 45001:2018 (Əməyin Sağlamlığı və Təhlükəsizliyi İdarəetmə Sistemi)

Bu sertifikatlar şirkətimizdə:

• davamlı keyfiyyətin tətbiq olunmasını,
• ətraf mühitin qorunmasını,
• əməkdaşların təhlükəsizliyinin beynəlxalq standartlara uyğun təmin edilməsini təsdiqləyir.